කොරෝනා ව්‍යාප්තිය ඉතා ක්‍රමවත්ව පාලනය කිරීමත් සමඟම බාහිර සමාජය තුළ කොරෝනා වෛරස පැතිරයාම මේ වන විට ඉතා අඩු අවදානමක පවතිනවා. ඒ හේතුව නිසා ඉදිරියේදී පැවැත්වීමට නියමිත මහ මැතිවරණයේ කටයුතු කිසිදු බාධාවකින් තොරව කරගෙන යා හැකි බව සෞඛ්‍ය විශේෂඥයන්ගේ මතය වී තිබෙනවා.
සෞඛ්‍ය ඇමතිනී පවිත්‍රා වන්නිආරච්චි මහත්මිය ප්‍රකාශයක් සිදු කරමින් මේ බව දැනුම් දෙනවා. මේ වන විට රටේ ඉතාමත් යහපත් තත්ත්වයක් පවතින බවත් පසුගිය අප්‍රේල් 30 වනදායින් පසුව බාහිර සමාජයෙන් කිසිදු කොරෝනා රෝගියෙකු වාර්තා නොවුණ බවත් ඇමතිවරිය පවසා සිටියා.
වැලිසර නාවික හමුදා කඳවුරෙන් පමණක් මේ වන විට කොරෝනා රෝගීන් වාර්තා වන බවත් ඔවුන්ගෙන් සමාජය තුළ මෙම වෛරසය පැතිරීමක් සිදු නොවන බවත් අමාත්‍යවරිය වැඩි දුරටත් කියා සිටිනවා.
