හිමාලයෙන් ආරම්භ වී බංග්ලාදේශයෙන් ඉන්දීය සාගරයට වැටෙන බ්‍රහ්මපුත්‍ර නදියේ ජල මට්ටම පසුගිය 10 වන දා සිට සීග්‍රයෙන් ඉහළ යාම නිසා බංගලාදේශයේ ජල ගැල්මක් ඇති වී තිබෙනවා. ගංගාවේ ජල මට්ටම පිටාර ගැලීමෙන් පුද්ගලයන් දොලොස් ලක්ෂයක් අවතැන් වී ඇතැයි වාර්තා වනවා. 1975 වසරෙන් පසු එම ගංඟාවේ ජල මට්ටම ඉහළම අගයක් සලකුණු කර ඇත්තේ පසුගිය සතියේදියි.
උතුරුදිග ජමාල්පූර් ප්‍රදේශයේදී වයස අවුරුදු 6ත්, 18ත් අතර දැරියන් 5 දෙනෙකු ඔවුන් රැගත් බෝට්ටුව පෙරළී යාමෙන් මරුමුවට පත්වුණා.
බංග්ලාදේශයේ ජල ගැල්මෙන් පීඩාවට පත් මුළු සංඛ්‍යාව පනස් ලක්ෂයකට අධික බවයි වාර්තා වන්නේ.
