රටේ සමස්ත පුරවැසියන්ට නිරෝගී ජීවිතයක් උරුම කර දීමේ අරමුණින්, මෙරට සෞඛ්ය ක්ෂේත්රය ප්රධාන මානයන් තුනක් ඔස්සේ පුළුල් ලෙස ශක්තිමත් කරමින් සිටින බව ජනාධිපති අනුර කුමාර දිසානායක කරනවා.
ජනාධිපතිවරයා මෙම අදහස් පළ කළේ අනුරාධපුර ශික්ෂණ රෝහලේ නවීන හෘද ප්රතිකාර සංකීර්ණයේ ඉදිකිරීම් කටයුතු ආරම්භ කිරීමේ අවස්ථාවට එක්වෙමින්.
රටේ සෞඛ්ය සේවාව ඉදිරියට ගෙන යාම සඳහා රජය ක්රියාත්මක කරන ප්රධාන උපායමාර්ගික අංශ තුන මෙලෙස හඳුන්වා දී තිබෙනවා.
1. නිදහස් සෞඛ්ය සේවාව ජනතාවට වඩාත් සමීප කිරීම.
2. ලෝකයේ නවීනතම වෛද්ය උපකරණ සහ තාක්ෂණික ක්රම හඳුන්වාදීම.
3. විධිමත් කළමනාකරණ ක්රමවේදයක් සෞඛ්ය පද්ධතිය තුළ ස්ථාපිත කිරීම.
පසුගිය කාලයේ ඇති වූ ආර්ථික අර්බුද හේතුවෙන් සංවර්ධන ව්යාපෘති ප්රමාද වීමෙන් සිදුවූ මූල්ය පාඩුව සිහිපත් කළ ජනාධිපතිවරයා, ඉදිරි සංවර්ධන ව්යාපෘති නිසි කළමනාකරණයකින් යුතුව නියමිත කාල සීමාව තුළ වගකීමෙන් නිම කරන බවද වැඩිදුරටත් සඳහන් කළා.
අනුරාධපුර ශික්ෂණ රෝහල ඉලක්ක කරගනිමින් රුපියල් මිලියන 19,000ක පමණ නව ව්යාපෘති 2027 සහ 2028 වසරවලදී ක්රියාත්මක කිරීමට නියමිතයි. ඒ අනුව, දැනට ක්රියාත්මක ව්යාපෘති සමඟ අනුරාධපුර රෝහල වෙනුවෙන් කෙරෙන සමස්ත ආයෝජනය රුපියල් මිලියන 34,000කට ආසන්න වනවා.
මෙහි ප්රධාන සන්ධිස්ථානයක් වන නවීන හෘද ප්රතිකාර සංකීර්ණයේ විශේෂතා:
මූල්ය දායකත්වය: ජපාන ජාත්යන්තර සහයෝගීතා නියෝජිතායතනයේ (JICA) ණය ආයෝජන යටතේ ක්රියාත්මක වේ.
වියදම: රුපියල් මිලියන 3,545කි.
ඉදිකිරීම් කාලය: මහල් 8කින් සමන්විත මෙම සංකීර්ණය මාස 18ක් ඇතුළත නිම කිරීමට නියමිතය.
පහසුකම්: අතිනවීන හෘද දැඩි සත්කාර ඒකක (ICU), කැතීටර් පරීක්ෂණාගාර, විශේෂිත සායන සහ වාට්ටු සංකීර්ණවලින් සමන්විතය.
දීර්ඝ කාලයක් තිස්සේ පැවති සෞඛ්ය අංශයේ මානව සම්පතේ හිඟයට විසඳුම් ලෙස නව බඳවා ගැනීම් රැසක් මේ වන විට සිදු කරමින් පවතී.
ලංකා ඉතිහාසයේ ප්රථම වතාවට මාස 3ක් ඇතුළත පළමු සීමාවසික පුහුණුව සඳහා වෛද්යවරුන් 3,000ක්** බඳවා ගැනීමට වර්තමාන රජය සමත්ව තිබෙනවා. ඊට අමතරව, දන්ත වෛද්යවරුන්, හෙද කාර්ය මණ්ඩලය සහ පරිපූරක වෛද්ය සේවාවන් සඳහාද නව බඳවා ගැනීම් ක්රියාත්මක වනවා.
