පසුගිය දින කිහිපය පුරා ඉන්දියාවේ මුම්බායි ඇතුළු දිස්ත්‍රික් කිහිපයකට ඇද හැලෙමින් පවතින අධික වර්ෂාව නිසා මේ වන විට ප්‍රදේශ රැසක් මේ වන විට ජලයෙන් යටවී පවතින බව ඉන්දිය මාධ්‍ය වාර්තා කර සිටිනවා. ඒ අතර ඉන්දියාවේ මුම්බායි බලා ගමන් කරමින් තිබෙන දුම්රියක මගීන් 700 දෙනෙකු සිර වී ඇතැයි සඳහන්. ඔවුන් බේරා ගැනීමේ මෙහෙයුමක් එරට ආරක්ෂක අංශ සහ ජීවිතාරක්ෂක කණ්ඩායම් මේ වන විට ආරම්භ කර තිබෙනවා.
දුම්රිය නවත්වා ඇති ස්ථානයේ සිට මුම්බායි දුම්රිය ස්ථානය දක්වා වැටී ඇති මාර්ගය අඩි 5-6ත් අතර ජලයෙන් යටවී ඇති නිසා දුම්රියේ සිටින මගින් බේරා ගැනීම සඳහා ඉන්දීය ගුවන් හමුදා හෙලිකොප්ටර් යානා දෙකක් සහ ජීවිතාරක්ෂක බළකායේ සාමාජිකයින් සමග බෝට්ටු 06ක් එම ස්ථානයට යොමු කිරීමට පියවර ගෙන ඇති බව මහරාෂ්ඨ ප්‍රාන්ත මහ ඇමතිවරයා සඳහන් කර සිටිනවා. . මේ හේතුවෙන් මුම්බායි ගුවන් තොටුපලේ ගුවන් ගමන් කටයුතු වලට පවා බාධා එල්ලවී ඇති අතර නගරයේ වාහන ධාවනය කිරීමට නොහැකි අයුරින් ජලයෙන් යටවී ඇති බවත් සඳහන්.
