පාසැල් දරුවන්ට යහළු යෙහෙහෙළියන් සමඟ සෙල්ලම් කරමින් සාමාන්‍ය ජීවිතයක් ගත කිරීමට අවස්ථාව නොමැතිවීම හේතුවෙන් ඔවුන් යම් දැඩි ආතතියකට පත්ව ඇති නමුත් පවතින තත්ත්වය මත පාසැල් විවෘත කිරීම පිළිබඳ නිශ්චිත යමක් ප්‍රකාශ කළ නොහැකි බව අධ්‍යාපන අමාත්‍යවරයා පවසනවා. පාසැල් විවෘත කිරීමට අන් කාටත් වඩා තමන්ට වුවමනාවක් පවතින බව අමාත්‍යවරයා කියා සිටිනවා.
සංචරණ සීමා පැනවීම තුළ පාසැල් දරුවන් නිවසේ කාලය ගත කළ ද සමාන්‍ය ජීවිතයක් ගත කිරීමට නොහැකිවීම ආදී විවිධ හේතු කාරණා නිසා දරුවන් දැඩි ආතතියකට ලක්ව ඇති බව අමාත්‍යවරයා පෙන්වා දෙනවා.
නැවත පාසැල් විවෘත කිරීමේ දිනයක් නිශ්චිතව ප්‍රකාශ කල නොහැකි නමුත් ඉක්මනින මේ තත්ත්වය අවසන් කර නැවත පාසැල් විවෘත කිරීම රජයේ අභිලාෂය බව අමාත්‍යවරයා පවසනවා. නමුත් මේ සියළු කටයුතු එක් සාධකයක් මත පදනම් වන නිසා සෞඛ්‍ය සම්බන්ධයෙන් දරුවන් අවදානමකට ලක් කිරීමට තමන් සූදානම් නැතැයි අමාත්‍යවරයා අවධාරණය කර සිටිනවා.
