යහපාලන මන්ත්‍රීවරු පිරිසක් නිල නිවාසවලින් ඉවත්වීමට අකමැතියි

තමන් භාවිත කළ නිල නිවාසවල තවදුරටත් රැඳී සිටීමට ඉඩ දෙන ලෙස ඉල්ලා පසුගිය එක්සත් ජාතික පක්ෂ යහපාලන රජය සමයේ හිටපු ඇමැතිවරුන්ගෙන් 14 දෙනකු රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයට ලියවිල්ලක් යොමුකර තිබෙනවා. 

එහෙත් එම ඉල්ලීමට  කිසිසේත්ම ඉඩ දිය නොහැකි බව  පවසමින් එම ඉල්ලීම ජනක බණ්ඩාර තෙන්නකෝන් අමාත්‍යවරයා විස්න් ප්‍රතික්ෂේප කර තිබෙනවා. ජනාධිපතිවරණයෙන් පසු නිල නිවාසවලින් ඉවත් වීම සඳහා තෙමසකට වැඩි කාලයක් සියලුම හිටපු ඇමැතිවරුන්ට රජයෙන් ලබාදී තිබුණා.

එම නිල නිවාස වහාම භාරදීමට කටයුතු කරන ලෙසත් එසේ නෙකරන්නේ නම් නීතිමය ක්‍රියාමාර්ග ගන්නා බවත් ඇමැතිවරයා හිටපු ඇමැතිවරුන්ට දැනුම් දී ඇති බවයි වාර්තා වන්නේ. එසේම මේ වනතෙක් නිල නිවාස භාරදීමට කටයුතු නොකළ ඇමැතිවරු සම්බන්ධයෙන් නීතිමය ක්‍රියාමාර්ග ගැනීමට අවසර ඉල්ලා කථානායක කරු ජයසූරිය මහ්තා වෙත ලිපියක්ද යොමු කර තිබෙනවා.