ජනාධිපති ඝාතනයට සිරමැදිරියේ සිට කුමන්ත්‍රණයක්, ප්රශ්න කිරීමට මරණ දඬුවම හිමි වූ සිරකරුවන් රහස් පොලීසියට
Wednesday, August 21, 2019
බුද්ධි අංශවලට ලැබී ඇති තොරතුරුවලට අනුව මරණ දඬුවම නියම වූ සිරකරුවන් විසින් ජනාධිපති මෛත්‍රීපාල සිරිසේන මහතා ඝාතනය කිරීම සඳහා කුමන්ත්‍රණයක් සිදුකරන බව වාර්තා වනවා. එසේ චෝදනා එල්ල වන මරණ දඬුවම නියම වූ සිරකරුවන් පස් දෙනෙකුගෙන් ප්රශ්න කිරීමට අපරාධ පරීක්ෂණ දෙපාර්තමේන්තුවට අධිකරණය විසින් අවසර දී තිබෙනවා.
මෙසේ අවසර ලබා දී ඇත්තේ මේ පිළිබඳ වැඩි දුර විමර්ශනය කිරීම සඳහා සිරකරුවන්ගෙන් ප්‍රකාශයක් ලබා ගැනීමට අවසර ඉල්ලමින් රහස් පොලිසිය විසින් කරන ලද ඉල්ලීමකට අනුවයි. ඒ අනුව එළැඹෙන 26 වැනිදා සිට සැප්තැම්බර් මස 09 දා දක්වා මෙම පිරිසගෙන් ප්රශ්න කර ගැනීමට පහසුකම් සලසන ලෙස බන්ධනාගාර අධීකාරීවරුන්ට නියෝග කර තිබෙනවා.
