මෙරටට එල්ල වූ පාස්කු ඉරු දින කුරිරු ප්‍රහාරය සම්බන්ධයෙන් විමර්ශනය කිරීමට පත් කල විශේෂ තේරීම් කාරක සභාවට මේ වන විට බොහෝ දෙනෙක් සාක්ෂි ලබා දීමට ගෙන්වා තිබෙනවා. නවතම තොරතුරුවලට අනුව වාර්තා වන්නේ එසේ සාක්ෂි ලබා දීමට අගරදගුරු මැල්කම් රංජිත් කාදිනල් තුමා සහ ජනාධිපති මෛත්‍රීපාල සිරිසේන මහතා කැඳවීමට නියමිත බවයි.
මෙම කාරක සභාවේ සාක්ෂි විමසීම දී ජනාධිපතිවරයා සහ අගරදගුරුතුමන් සම්බන්ධයෙන් විවිධ අදහස් පළ කෙරුණු නිසා එම තත්ත්වය මත ඔවුන්ගෙන් කරුණු විමසීම වැදගත් බවද කමිටුවේ අදහස වී තිබෙනවා.
එසේම, එම කමිටුව විසින් මෙම සතිය ඇතුළත අගමැති රනිල් වික්‍රමසිංහ මහතා, රාජ්‍ය ආරක්ෂක රාජ්‍ය ඇමැති රුවන් විජේවර්ධන මහතා සහ නීතිය හා සාමය පිළිබඳ හිටපු ඇමතිවරුන්ගෙන් ප්‍රකාශ සටහන් කර ගැනීමට නියමිතව තිබෙනවා.
