කල් දැමීමට තීරණය කර තිබූ බස්නාහිර පළාත් 9,10 සහ 11 ශ්‍රේණිවල සිසුන්ගේ වාර විභාග නියමිත දිනටම පැවැත්වීමට අධ්‍යාපන දෙපාර්තමේන්තුව තීරණය කර තිබෙනවා. ඒ අනුව මාර්තු 29 දින සිට අදාළ වාර විභාග ආරම්භ කිරීමට නියමිතයි. වාර විභාග කල් දැමීමට තීරණය කර තිබුණේ ප්‍රශ්න පත්‍ර මුද්‍රණය සඳහා අවශ්‍ය කඩදාසි නොමැති වීම හේතුවෙන්. මේ වන විට අවශ්‍ය කඩදාසි සපයා ගැනීමට හැකි වී ඇති බැවින් වාර විභාග මෙලෙස නියමිත දිනටම පැවැත්වීමට සැලසුම් කර තිබෙනවා.
ඊට අමතරව බස්නාහිර පළාත් 6,7 සහ 8 ශ්‍රේණි සඳහා වාර විභාග කටයුතු අද (21) දිනයේ සිට ආරම්භ කර තිබෙනවා.
