අතිගරු ජනාධිපති ගෝඨාභය රාජපක්ෂ මහතා විසින් අද රාත්‍රී 8.30ට විනාඩි 15ක පමණ කාලයක් ජාතිය ඇමතීමට නියමිතව තිබෙනවා. රටේ වත්මන් තත්ත්වය පිළිබඳව මෙහිදී ප්‍රකාශයක් සිදු කරනු ඇති බවයි ආරංචි මාර්ග සඳහන් කරන්නේ. ඊයේ ජනාධිපතිවර්යා හමුවූ ජාත්‍යන්තර මූල්‍ය අරමුදලේ නියෝජිතයින් පිරිස අවදානය දැක්වූ කරුණු පිළිබඳව ද මෙහි දී ප්‍රකාශ කරනු ඇති බව පැවසෙනවා.
පවතින ඉන්ධන අර්බුදය හමුවේ විදුලි කප්පාදුවක් දිනපතා සිදු කල ද ජනාධිපතිවරයා ජාතිය අමතන කාලය තුළ විදුලිය කපා හැරීමක් සිදු නොවන බව ද සඳහන්. මහජන උපයෝගීතා කොමිසම විසින් අනුමත කරන ලද විදුලිය කප්පාදු කරන කාල සටහන අනුව ඒ බව තහවුරු වනවා.
