ලිට්‍රෝ සමාගම සතුව පවතින ගෑස් තොගය අද දිනයෙන් අවසන් වන බැවින් මෙරට මුහුදු සීමාවේ නංගුරම් ලා තිබෙන නෞකාවේ ඇති ගෑස් අද දිනය තුළ දී නිදහස් කර ගැනීම අත්‍යාවශ්‍ය බව ලිට්‍රෝ සමාගම පවසා තිබෙනවා. එසේ නොමැති වුවහොත් හෙට දිනයේ සිට යළිත් ගෑස් හිඟයක් ඇති වීමේ අවදානම මතුවන බවයි එම සමාගමේ ජේ්‍යෂ්ඨ ප්‍රකාශකයෙකු පවසා ඇත්තේ. සාමාන්‍යයෙන් මාසයක් තුළදී ගෑස් තොග සහිත නෞකා 10ක් මෙරටට ළඟාවන අතර දින තුනකට වරක් ඒවායේ පැමිණීම සිදුවනවා. මෙරට පවතින ඩොලර් හිඟය නිසා එසේ ගෑස් නෞකා නියමිත පරිදි මෙරටට ළඟා වන්නේ නැහැ. අවශ්‍ය පරිදි ඩොලර් හිමිවන්නේ නම් ගෑස් හිඟයක් ඇති නොවන ලෙස ගෑස් මිලදී ගැනීම් සිදු කල හැකි බව ලිට්‍රෝ සමාගමේ ප්‍රකාශකවරයා වැඩි දුරටත් පවසා තිබෙනවා.
