අහිතකර බැක්ටීරියා අඩංගු යැයි ශ්‍රී ලංකාවේ ශාක නිරෝධායන සේවාව විසින් පරීක්ෂණ වලින් අනාවරණය කර ගත් චීන පොහොර තොගය නැවත පරීක්ෂාවට ලක් කිරීම සඳහා තුන්වන පාර්ශවයකට භාර දීමට මෙතෙක් එකඟතාවයකට එළඹ නොමැති බව කෘෂිකර්ම අමාත්‍යාංශය පවසනවා. තුන්වන පාර්ශ්වයක් මඟින් පරීක්ෂා කර එම පොහොර තොගයෙහි අහිතකර බැක්ටීරියා නොමැති බව පවසා සිටිය ද නිරෝධායන නීතිවලට පටහැනිව එම පොහොර භාරගත නොහැකි බවයි කෘෂිකර්ම අමාත්‍යාංශය සඳහන් කර සිටින්නේ.
