සතුරු මිසයිල ආවරණ මඟින් ග්‍රහණය කර ගැනීමට පවා දුෂ්කර නව හයිපොර්සොනික් මිසයිලයක් චීනය විසින් අත්හදා බැලීම සිදු කර ඇති බව විදෙස් මාධ්‍ය වාර්තා කරනවා. පසුගිය අගෝස්තු මාසයේ දී එම මිසයිල අත්හදා බැලීම් සිදු කර ඇති බවයි එම වාර්තා සඳහන් කරන්නේ.
මෙම මිසයිලයේ වේගය අමෙරිකානු බුද්ධි අංශ පවා මවිතයට පත් කර ඇති බවත් එම මිසයිලය පෘථිවිය වටා කක්ෂ ගත කර ඇති බවත් එම වාර්තාවල වැඩි දුරටත් සඳහන්.
චීනය විසින් අත් හදා බැලීම් සිදු කර ඇති මෙම හයිපොර්සොනික් මිසයිලයට ශබ්දයේ වේගට මෙන් පස් ගුණයක් තරම් වේගයෙන් යුතුව ගමන් කළ හැකි බවයි තොරතුරු වාර්තා වන්නේ.
