මෙම පුද්ගලයා මිනුවන්ගොඩ ඇගලුම්කම්හල් පොකුරට, පැළියගොඩ මත්ස්‍ය අලෙවිසැලේ පොකුරට හෝ කොළඹ නැව් තටාකාංගන ආශ්‍රිත පොකුරට අයත් නොවන බවයි ගාල්ල දිස්ත්‍රික් ප්‍රාදේශීය වසංගත රෝග විද්‍යාඥවරයා පවසා සිටින්නේ.
ඔහුගේ සහෝදරයෙකු සේනපුර පුනරුත්ථාපන මධ්‍යස්ථානයේ නිරෝධායනය වී පසුව නිවසට පැමිණ තිබෙනවා. ඔහු නිවසට පැමිණිමට පෙර සිදුකල පී.සී.ආර් පරීක්ෂණ වාර්තාව අනුව ඔහුට කොරෝනා වයිරසය නෙගටිව් තත්ත්වයේ පැවතී තිබෙනවා. කෙසේ වෙතත් නිරෝධායන මධ්‍යස්ථානයේ සිට පැමිණි පුද්ගලයාගෙන් මෙම වෛරසය බෝ වූවාද යන්න පරීක්ෂණ සිදු කෙරෙමින් පවතිනවා.
එම වෛරසය ආසාදිත පුද්ගලයාගේ මව ද කෑම පිසීම සඳහා යන කාන්තාවක් බැවින් ඒ සම්බන්ධයෙන් ද පරික්ෂණ පැවැත්වෙනවා.
