මෙසේ ක්‍රියාත්මක වන බස් රථවල ශීතකරණ පහසුකම් පවා ස්ථාපනය කර ඇත්තේ සායන සඳහා පැමිණ ආපසු යන රෝගීන්ට වෛද්‍යවරුන් විසින් ලබා දෙන ඖෂධ ප්‍රශස්ථ මට්ටමේ පවත්වාගෙන යාමටයි.
නමුත් මෙවන් සේවාවක් සපයන ''අපේක්ෂා එක්ස්ප්‍රස්'' සේවාව නිසා තමන්ට මහත් පාඩුවක් සිදුවන බව දන්වමින් එක්තරා පුද්ගලික බස් රථ සංගමයක් එම සේවාව අත් හි‍ටුවන ලෙස ඉල්ලීමක් කර ඇති බව වාර්තා වනවා.
එහෙත් අපේක්ෂා රෝහලට පැමිණෙන රෝගීන් සඳහා ස්ථාපනය කළ මෙම සේවාව කොවිඩ් -19 වසංගත තත්ත්වය අවසන් වුවද කිසිම විටක අත් හි‍ටුවීමට කටයුතු නොකරන බවයි ප්‍රවාහන සේවා කළමනාකරණ අමාත්‍ය මහින්ද අමරවීර මහතා ප්‍රකාශ කර ඇත්තේ.
