වීඩියෝ තාක්ෂණය ඔස්සේ අන්තර් ජාතික ක්‍රිකට් කවුන්සිලය ඊයේ පැවැත්වූ සාකච්ඡාවේ දී තීරණය කර ඇත්තේ විස්සයි විස්ස ලෝක කුසලාන ක්‍රිකට් තරඟාවලිය සම්බන්ධයෙන් තීරණය ගැනීමට ලබන ජූනි 10 වැනිදා රැස්විය යුතු බවයි.
එසේම එම සාකච්ඡාවේ වැඩිදුර අවධානයට ලක් වූ කරුණක් වූයේ අන්තර්ජාතික ක්‍රිකට් කවුන්සිලයේ රහස්‍යභාවය බිඳ වැටීම සම්බන්ධවයි. කවුන්සිලයේ රහස්‍යභාවය බිඳවැටී ඇති බව නියෝජිතයින් පෙන්වා දීමත් සමඟම කවුන්සිලයේ ආචාර ධර්ම පද්ධතිය භාර නිලධාරීවරයාගේ ප්‍රධානත්වයෙන් ස්වාධීන පරීක්ෂණයක් පැවැත්වීමට තීරණය කෙරුණා.
කවුන්සිලයේ නව සභාපතිවරයෙක් පත් කර ගැනීම සම්බන්ධයෙන් තිරණයක් ගැනීමට නියමිතව තිබුණත් රහස්‍යභාවය පිළිබඳව ගැටළු මතුවීම හේතුවෙන් ඒ ගැන සලකා බැලීමද ජූනි 10වනදාට කල් දැමුණා.
