ලෝක සෞඛ්‍ය සංවිධානය චීනයට පක්ෂපාතී වෙමින් තොරතුරු වසන්කරන බව අමෙරිකා ජනාධිපති ඩොනල්ඩ් ට්‍රම්ප් චෝදනා කරනවා. ලෝක සෞඛ්‍ය සංවිධානය කොරෝනා වෛරසය ව්‍යාප්තිය සම්බන්ධයෙන් බොහෝ කරුණු සඟවා ඇති බවයි අමෙර්කා ජනාධිපතිවරයා චෝදනා කරන්නේ.
චීනයේ කොරෝනා වෛරසය පැතිර යාම සීඝ්‍රයෙන් සිදු වෙද්දී චීනයට සංචාරක තහනමක් පැනවීම අවශ්‍ය වුවත් ලෝක සෞඛ්‍ය සංවිධානය එය අත්‍යාවශ්‍ය නොවන බවට මුල සිටම ප්‍රකාශ කර සිටියා. ලෝක සෞඛ්‍ය සංවිධානය ඉතා මිලේච්ජ ලෙස ක්‍රියා කර ඇති බවයි ඩෝනල්ඩ් ට්‍රම්ප්ගේ අදහස.
ලෝක සෞඛ්‍ය සංවිධානයට වැඩිම ආධාර මුදල් ප්‍රමාණයක් ලබා දෙන්නේ අමෙරිකාවයි. පසුගිය ජනවාරි 31 වනදා අමෙරිකාව චීනයට එරෙහිව සංචාරක තහනමක් පනවනු ලැබුවත් ලෝක සෞඛ්‍ය සංවිධානය පෙබරවාරි 03 වනදා කියා සිටියේ එසේ තහනමක් පැනවීම අවශ්‍ය නොවන බවයි.
