Air Bus ගුවන් සමාගම සමග සිදුකළ අයථා ගණුදෙනුවක් සම්බන්ධයෙන් ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරිවරයා සහ ඔහුගේ බිරිඳ අධිකරණයෙන් වරෙන්තු ලබා ගෙන අත්අඩංගුවට ගන්නා ලෙස අද (03) නීතිපතිවරයා විසින් අපරාධ පරීක්ෂණ දෙපාර්තමේන්තුවට උපදෙස් ලබා දුන්නා.
මෙම ගණුදෙනුව සම්බන්ධයෙන් විමර්ශන සිදුකරන ලෙස ජනාධිපති ගෝඨාභය රාජපක්ෂ මහතා ඊයේ බලධාරින්ට නියෝග කරනු ලැබුවා.
ජාතික ගුවන් සේවය, ගුවන් යානා නිෂ්පාදනයේ නිරත එයාර් බස් ඉන්ඩස්ට්‍රිස් සමාගම සමග කළ ගනුදෙනුවේ දී ඇතැම් පුද්ගලයන් කළ බව කියන මුල්‍ය වංචා පිළිබඳ තොරතුරු ඇතුළත් වාර්තා ඊයේ (02) සති අන්ත ඉංග්‍රීසි පුවත් පතක සහ වෙනත් අන්තර්ජාල වෙබ් අඩවි කිහිපයක පළව තිබුණා. එම මාධ්‍ය වාර්තා දු‍ටු ජනාධිපතිතුමා මේ චෝදනා පිළිබඳව සෑම පැතිකඩක්ම ආවරණය වන පරිදි වහාම පූර්ණ පරීක්ෂණයක් කොට ප්‍රතිපල තමා වෙත දැනුම්දෙන්නැයි ජනාධිපති මාධ්‍ය අංශය නිවේදනයක් නිකුත් කළා.
