මේ ගැටලුව පිළිබඳ අදහස් දක්වමින් රජයේ වෛද්ය නිලධාරි සංගමය පැවැත්වු මාධ්යය හමුවකදි එහි සහකාර ලේකම් වෛද්ය හංසමාල් වීරසූරිය පැවසූවේ මේ ඖෂධය පිටින් ගන්න මීට වඩා ලොකු වියදමක් දරන්න වෙනවා. එන්නතක් සමහර විට 4000,5000,7000 විවිධාකර ගණන්වලට එළියෙ විකුණන්න තියෙනවා. එක වෙලාවකට එන්නත් දෙක තුනක් ගන්න සිද්ධවෙන අවස්ථා තියෙනවා. සමහරුන්ට රුපියල් 15,000 - 20,000 ඊටත් වඩා වියදම් වෙන රෝගින් ඉන්න පුළුවන්. අවසානයේදි ලෝකයේ තිබෙන හොඳම බෙහෙත් වුනත් රෝගියාට ලැබෙන්නේ නැත්නම් අපි පද්ධතියක් විදිහට ෆේල්. ඒ ජීවිත වලට වගකියන්නේ කවුද කියන එක ප්රශ්නයක්. කවදා හරි මේ එන්නත් හදලා කවදා හරි ප්රශ්නය විසදලා එනකන් පිළිකා රෝගය බලා ඉන්නේ නැ. අපි හිතමුකෝ ඇමැතිතුමා කියන විදිහට මේ ක්රියවලියෙ යම් ගැටලුවක් තිබ්බා. එතකොට සෞඛ්ය අමාත්යාශයේ වගකීම තමයි අපි කියනවා අපේ ප්ලැන් ඒ එක වරදිනවනම් ප්ලැන් බී එකක් තියෙන්න ඕනි.
මේ එන්නත විතරක් නෙවෙයි තවත් ඖෂධ වලත් අඩුපාඩු තිබෙන බව දකින්නට ලැබෙන බවත්, ප්රසම්පාදන ක්රියාවලියේ යම් ගැටලුවක් තිබෙනම් සෞඛ්ය අමාත්යවරයා, සෞඛ්ය බලධාරීන්ගේ හා රජයේ වගකීම මේ පිළිබඳ පාරදෘශ්ය පරීක්ෂණයක් සිදුකර මේ පිටුපස සිටන වැරදි කරුවන් සොයාගෙන රටට හෙළිකර ඔවුන්ට විරුද්ධව ක්රියාමාර්ග ගැනීම බවද සහකාර ලේකම්වරයා පැවැසීය.
