දකුණු චීනයේ ජියැන්ග්සි පළාතේ කෞතුකාගාරයෙන් ෆොසිලීකරණය කරන ලද ඩයිනොසෝර කලලයක් සොයා ගැනීමට පර්යේෂකයන් සමත්වී තිබෙනවා. එය පොසිල කළ බිත්තරයක් තුළ හොඳින් සංරක්ෂණය කරන ලද ඩයිනෝසෝර කලලයක් බවයි වාර්තා සඳහන් කරන්නේ. මෙම කලලය අවම වශයෙන් අවුරුදු මිලියන 66ක් පැරණි බවයි ගණන් බලා තිබෙන්නේ. වසර 100ක් පුරා ෆොසිලීකරණය වූ ඩයිනෝසෝර බිත්තර සොයාගෙන ඇති නමුත් හොඳින් සංරක්ෂණය කර ඇති කලලයක් සොයා ගැනීම ඉතා දුර්ලභ බවයි පර්යේෂකයින් පවසන්නේ. පර්යේෂකයින් මෙම කලලය "Baby Yingliang " ලෙස නම් කර තිබෙනවා.
මෙම කලල රූපය Oviraptorosaurnam නම් දත් රහිත තෙරපොඩ් ඩයිනෝසර් කාණ්ඩයට අයත් බවයි පැවසෙන්නේ. මෙම ඩයිනෝසරයන් ක්‍රිටේසියස් යුගයේ (වසර මිලියන 145 සිට 66 දක්වා) ආසියාවේ උතුරු ඇමරිකාවේ ජීවත් වූ සත්ත්ව විශේෂයකි. එඩින්බරෝ විශ්ව විද්‍යාලයේ කතුවරුන්ගෙන් එක් අයෙකු වන මහාචාර්ය ස්ටීව් බෲසැට් නිවේදනයක් නිකුත් කරමින් පවසන්නේ “මෙම ඩයිනොසෝර කලලයක් උගේ බිත්තරය තුළ ඇති මා මෙතෙක් දැක ඇති ලස්සනම පොසිල වලින් එකක්. මෙම කුඩා පූර්ව ප්‍රසව ඩයිනෝසෝරයා පෙනෙන්නේ උගේ බිත්තරයේ රැලි ගැසූ කුරුල්ලෙකු වගේ, එය අද සිටින පක්ෂීන්ගේ බොහෝ ලක්ෂණ මුලින්ම පරිණාමය වූයේ ඔවුන්ගේ ඩයිනෝසෝර මුතුන් මිත්තන්ගෙන් බවට තවත් සාක්ෂියක්." බවයි.
