ජනාධිපති ගෝඨාභය රාජපක්ෂ මහතා විසින් ඊයේ (17) ක්‍රියාත්මක වන පරිදි අමාත්‍යාංශය කිහිපයකට අදාළ ආයතනික සහ නෛතික රාමුව සංශෝධනය කරමින් නව ගැසට් පත්‍රයක් නිකුත් කර තිබෙනවා. එම ගැසට් පත්‍රය අනුව ජනාධිපති කාර්යාලය, ජාතික ප්‍රමුඛතා වැඩසටහන යටතේ වන ආයතනික හා නෛතික රාමුව මෙන්ම රාජ්‍ය ආරක්ෂක සහ ආපදා කළමනාකරණ රාජ්‍ය අමාත්‍යාංශයේ ආයතනික සහ නෛතික රාමුව ද මුදල් අමාත්‍යාංශයේ ආයතනික සහ නෛතික රාමුවද සංශෝධනය කර තිබෙනවා.
ඊට අමතරව විදේශ කටයුතු අමාත්‍යාංශය, නිපුණතා සංවර්ධන වෘත්තීය අධ්‍යාපන පර්යේෂණ හා නව නිපැයිම් රාජ්‍ය අමාත්‍යාංශය මෙන්ම ජනමාධ්‍ය අමාත්‍යාංශයේ ආයතනික සහ නෛතික රාමුවද සංශෝධනයට ලක්ව තිබෙනවා.
