ශ්‍රී ජයවර්ධන පුර රෝහලේ ගිලන් රථ සේවයේ නියුතු රියදුරෙකුට කොවිඩ් 19 වෛරසය වැළඳී ඇති බව හඳුනාගෙන තිබෙනවා. පී.සී.ආර් පරීක්ෂණ සඳහා සේවයේ යොදා තිබූ මෙම රියදුරා අනෙකුත් රියදුරන් සමඟ නේවාසිකව සිට ඇති බැවින් ඔවුන් සියළු දෙනාම නිරෝධායනයට යොමු කිරීමට මේ වන විට කටයුතු යොදා තිබෙනවා. මේ හේතුවෙන් ගිලන් රථ සේවාවේ යම් අඩපණ වීමක් සිදු වී තිබුණත් සෞඛ්‍ය සේවා අධ්‍යක්ෂ ජනරාල්වරයාගේ මැදිහත් වීමෙන් මේ වන විට කළුබෝවිල ශික්‍ෂණ රොහලේ සහ කාසල් වීදියේ කාන්තා රෝහලේ ගිලන් රථ කිහිපයක් ජයවර්ධනපුර රෝහල වෙත සේවය සඳහා යොදවා තිබෙනවා.
