එහිදී මන්ත්‍රීවරයෙකුට හිමි දීමනා පිළිබඳව වාර්තා වී ඇත්තේ මෙලෙසයි.
- පත්වූ පාර්ලිමේන්තු මන්ත්‍රීවරයෙකුගේ මාසික වැ‍ටුප රුපියල් 54,285කි.
- සෑම පාර්ලිමේන්තු මන්ත්‍රීවරයෙකුටම පාර්ලිමේන්තු රැස්වීම්වලට සහභාගී වීම සඳහා දිනකට රුපියල් 2500ක මුදලක් ගෙවනු ලැබේ.
- පාර්ලිමේන්තු රැස්වීම් නොපැවෙත්වෙන දිනවලදී රැස්වන කාරක සභාවන්ට සහභාගී වීම සඳහාද රුපියල්2500ක් ගෙවනු ලැබේ.
- සෑම මන්ත්‍රීවරයෙකුටම තම කාර්යාලය පවත්වාගෙන යාම සඳහා මසකට රුපියල් ලක්ෂයක් හිමි වේ.
- එසේම සංශ්‍රහ දීමනා ලෙස රුපියල් 1000ක්ද රියදුරු දීමනාව ලෙස රුපියල් 3500ක් ද හිමි වේ.
- එක් එක් මන්ත්‍රීවරයා සඳහා ඔහුගේ හෝ ඇයගේ පෞද්ගලික කාර්ය මණ්ඩල සමාජිකයින් සිව් දෙනෙකුට ඔහුගේ කාර්යාලයට පැමිණීම සඳහා මාසිකව රුපියල් 10,000 ක් හිමි වේ.
- සෑම මන්ත්‍රීවරයෙක්ම භාවිතා කරන ස්ථාවර සහ ජංගම දුරකතන බිල්පත් ගෙවීම සඳහා මාසිකව රුපියල් 50,000ක් හිමි වේ.
- එසේම මන්ත්‍රීවරයෙක් තේරී පත්වූ දිස්ත්‍රික්කය අනුව පාර්ලිමේන්තුවේ සිට ඇති දුර පදනම් කරගෙන එම මාසයේ පළමු දිනට පවතින වෙළඳපොළ ඉන්ධන මිල අනුව ඉන්ධන දීමනාවක් සෑම මසකම හිමිවේ.
