කොළඹට තදාසන්න ප්‍රදේශයක පිහිටි පාසලක ඉගෙනුම ලබන එකී බාලවයස්කාර සිසුවිය අමතර පන්තියකදී දැන හඳුනාගත් මෙම තරුණයා සමඟ ප්‍රේමසම්බන්ධයක් පවත්වා තිබෙනවා. ඉන්පසු එම පෙම්වතා ඇයව ලැගුම් හලකට ගෙන ගොස් ඇයගේ ඡායාරූප රැගෙන ඒවා අන්තර්ජාලයට මුදාහරින බවට බිය ගන්වා තිබෙන බවයි වාර්තා වන්නේ.
ඉතා රහසිගතව විමර්ශන සිදුකළ ළමා ආරක්ෂණ අධිකාරියේ නිලධාරීන් එකී සැකකාර සිසුන් හත් දෙනා පසුගිය වසරේ පෙබරවාරි මස සිට සැප්තැම්බර් මස දක්වා මාස හතක කාලයක් ඇයට අතවර කර ඇති බව අනාවරණය කර ගැනීමට සමත් වී තිබුණා.
2019 වර්ෂයේදී පෙබරවාරි මස නාඳුනන අංකයකින් තම මවගේ ජංගම දුරකථනයට ඇමතුමක් ලැබුණු බවත්, "තමුසෙ (.......) එක්ක කරපු දේවල් මා ළඟ තියෙනවා. මම ඌට වඩා දරුණුයි. මා එක්ක යන්න එන්න ඕන.. නැත්තම් මේවා අන්තර්ජාලයට දානවා.." යැයි එහි සඳහන් වූ බව පැමිණිල්ලේ සඳහන්.
මේ අයුරින් සැකකාර තරුණයාගේ මිතුරන් හය දෙනෙකු වරින් වර දුරකථන ඇමතුම් දෙමින්, මෙම දැරිය කඩුවෙල ප්‍රදේශයේ ලැඟුම්හල් වෙත රැගෙන ගොස් මෙම අතවරය සිදුකර ඇති බවට කරුණු අනාවරණය වී තිබෙනවා.
සැකකරුවන් සියලූ දෙනාම කොළඹ හා තදාසන්න ප්‍රදේශවල පිහිටි ප්‍රධාන පෙළේ පාසල්වල මෙවර උසස් පෙළ විභාගයට පෙනී සිටින සිසුන් බව අධිකරණය හමුවේදී අනාවරණය වුණා.
මෙම වින්දිත දැරිය කිසිදු සමාජ අවබෝධයක් නොමැති අයෙකු වන බවත්, ඇයගේ ශරීරය මෙන්ම මනසද දැඩි ලෙස අපයෝජනය වී ඇති බවත් සඳහන් කළ මහේස්ත්‍රාත්වරිය මෙය සැලසුම් සහගතව සිදු කරන ලද ක්‍රියාවක් බවට පෙනෙන්නට ඇති බව සඳහන් කරමින් සැකකරුවන් තවදුරටත් රක්ෂිත බන්ධනාගාර ගත කිරීමට නියෝග කළා. ඒ අනුව සැකකරුවන් ලබන 16 වැනිදා දක්වා රක්ෂිත බන්ධනාගාරගත කෙරුණා.
