චීනයේ සීඝ්‍රයෙන් පැතිරී යන කොරෝනා වෛරසයේ සත්‍ය තොරතුරු වසන් කරන බවට වාර්තා පලවනවා. තායිලන්ත ප්‍රවෘත්ති සේවයක් වාර්තා කරන්නේ චීනයේ පිහිටි දෙවන විශාලතම සමාගම වන Tencent විසින් නොදැනුවත්ම කොරෝනා වෛරසය සම්බන්ධයෙන් වන දත්ත හෙළි කර ඇති බවයි. එම දත්තවලට අනුව චීනයේ පැතිරෙමින් යන නව කොරෝනා වෛරසය හේතුවෙන් ජිවිතක්ෂයට පත්ව ඇති පුද්ගලයින් සංඛ්‍යාව එරට රජය විසින් ප්‍රකාශයට පත් කරනු ලබන සංඛ්‍යා ලේඛණ සමග සැසදීමේදී විශාල වෙනසක් දක්නට ලැබෙන බව සනාථවන බව ඔවුන් පවසනවා.
කොරෝනා වෛරසය ව්‍යාප්ත වීමත් සමග චීනයේ මහජන ආණ්ඩුව විසින් සිය රට වැසියන්ට මෙන්ම ලෝකයටද සත්‍ය වසන් කිරිම සම්බන්ධයෙන් දැඩි දෝෂ දර්ශණයට ලක්ව සිටින අතර නව කොරෝනා වෛරසය සම්බන්ධයෙන් මෙම කරුණු වාර්තා කළ ඨෙන්චෙන්ට් සමාගමේ වැඩි හිමිකාරිත්වයක් දරන්නේ ද චීන රජයයි. චීන රජය විසින් මේ වන විට ප්‍රකාශ කර ඇත්තේ කොරෝනා වෛරසය හේතුවෙන් මේ දක්වා මිය ගොස් ඇති පුද්ගලයින් සංඛ්‍යාව 563ක් බවයි.
