gossiplanka alexa ලෝක කුසලාන ක්‍රිකට් තරඟාවලියෙන් පසු හතුරුසිංහ ඇතුළු නිලධාරීන් හයක් වහාම ඉවතට

Ad Code

Richmo Sms Gossip Lanka Advertisement Gossip Lanka Advertisement Gossip Lanka Advertisement
Gossip Lanka Advertisement Gossip Lanka Advertisement Gossip Lanka Advertisement Gossip Lanka Advertisement Gossip Lanka Advertisement Gossip Lanka Advertisement

ලෝක කුසලාන ක්‍රිකට් තරඟාවලියෙන් පසු හතුරුසිංහ ඇතුළු නිලධාරීන් හයක් වහාම ඉවතට

ලෝක කුසලාන ක්‍රිකට් තරගාවලියේදී ශ්‍රී ලංකා කණ්ඩායම ප්‍රදර්ශනය කළ දැඩි අසාර්ථකත්වය පිළිබඳව අවධානය යොමු කරමින්,  එංගලන්තයේදී දැන් පැවැත්වෙන ලෝක කුසලාන ක්‍රිකට් තරගාවලියට සහභාගි වී සිටින ශ්‍රී ලංකා කණ්ඩායමේ ප්‍රධාන පුහුණුකරු චන්දික හතුරුසිංහ ඇතුළු නිලධාරීන් හයදෙනකු වහාම ඉවත් කිරීමට තීරණය කර ඇති බව ශ්‍රී ලංකා ක්‍රිකට් ආරංචි මාර්ග සඳහන් කරනවා. මෙම තීරණය ගෙන ඇත්තේ ශ්‍රී ලංකා ක්‍රිකට් පරිපාලනය විසින් බව දැනගන්නට ලැබෙනවා.

එම නිලධාරීන් හය දෙනාට කණ්ඩායමේ පුහුණුකරුවන් තිදෙනාම ඇතුළත්ව ඇති බව වැඩි දුරටත් සඳහන්.

ලෝක කුසලාන තරගාවලියට සහභාගි වී සිටින ශ්‍රී ලංකා කණ්ඩායමට නිලධාරීන් දස දෙනකු ඇතුළත් වනවා.  ඒ අතර විදේශිකයන් තිදෙනකුද සිටිනවා.  විදේශිකයන් වන ස්ටීව් පන්දු රැකීමේ පුහුණුකරු ලෙසද, ජෝන් ලුවිස් පිතිකරුවන්ගේ පුහුණුකරු ලෙසද, නික් ලී අභ්‍යාසකවරයා ලෙසද, කටයුතු කරනවා. මනෝජ් අබේවික්‍රම පන්දු රැකීමේ පුහුණුකරුවෙකු ලෙසද, අජන්ත වත්තේගම භෞතචිකිත්සකවරයා ලෙසද, ලෝක කුසලාන කණ්ඩායමේ කටයුතු කරනවා. අසන්ත ද මෙල් තේරීම් කමිටු සභාපතිවරයා සහ කණ්ඩායම් කළමනාකරු ලෙසද, ශ්‍රී ලංකා ක්‍රිකට් ආයතනයේ විදේශ ක්‍රිකට් අංශ ප්‍රධානී චන්දිම මාපටුන සැපයුම් කළමනාකරු ලෙසද, කටයුතු කරනවා. තවද, පරිගණක විශ්ලේෂකයකු සහ තවත් නිලධාරියෙකු ලෝක කුසලාන ක්‍රිකට් තරගාවලියේ ශ්‍රී ලංකා කණ්ඩායම් කාර්ය මණ්ඩලයට ඇතුළත්ව සිටින බවට වාර්තා වනවා.

"අපේ කණ්ඩායම නැවත ලංකාවට ගියාම ක්‍රිකට් අනාගතය වෙනුවෙන් වැදගත් තීරණ රැසක් ගන්න වෙනවා. දැනට ඉවත් කරන නිලධාරීන්ගේ නම් කියන්න හැකියාවක් නෑ. නමුත් අපි දැඩි තීරණයක් ගන්න සූදානමින් ඉන්නවා” යැයි ශ්‍රී ලංකා ක්‍රිකට් ආයතනයේ උසස් නිලධාරියකු පවසා තිබෙනවා. ක්‍රීඩා අමාත්‍ය හරීන් ප්‍රනාන්දුගෙන්ද උපදෙස් ලබාගැනීමෙන් අනතුරුව අදාළ නිලධාරීන් ඉවත් කිරීමට කටයුතු කරන බවයි නිලධාරියා වැඩි දුරත් පවසා ඇත්තේ. 

ලෝක කුසලාන තරඟවලදී ශ්‍රී ලංකා පිල විශේෂයෙන් පන්දුවට පහරදීම සහ පන්දු රැකීම යන අංශ දෙකෙන් දැඩි පසුබෑමක් ප්‍රදර්ශනය කළ.. එහිදී ශ්‍රී ලංකා ක්‍රිකට් පාරිපාලනයට, තේරීම් කමිටුවට සහ පුහුණුකරු චන්දික හතුරුසිංහ මහතාට විවේචන එල්ල වෙමින් තිබෙනවා. 

ලීඩ්ස්හිදී පැවැති ශ්‍රී ලංකා පිලේ පුහුණු සැසියක් අතරතුරදී පුහුණුකරු චන්දික හතුරුසිංහ මහතා පැවසුවේ අවසන් පූර්ව වටයට පැමිණීමට නොහැකි වීම පිළිබඳව තමන්ද දැඩි කනගාටුවට පත්ව සිටින බවයි.

"මම ගොඩක් කනගාටුවට පත්වෙනවා අපිට අවසන් පූර්ව වටයට සුදුසුකම් ලැබීමට නොහැකිවීම ගැන. මෙම තරගාවලිය ආරම්භයේදී මම අවසන් වටයේ කණ්ඩායම් හතරට පැමිණීම පිළිබඳව සහ ඊට වඩා ඉදිරියට යෑම පිළිබඳව අවදානය යොමු කරලා තිබුණේ. මම ගොඩක් දෙවල් සැලසුම් කර තිබුණා. නමුත් ලෝක කුසලාන තරගාවලියේ මේ කාලය ඇතුළත ගොඩක් දේවල් වුණා. අපි උත්සහ කළා අවසන් කණ්ඩායම් හතරට එන්න. නමුත් එය කරන්න බැරි වුණා” යැයි එහිදී හතුරුසිංහ මහතා වැඩි දුරටත් පැවසුවා. 

චන්දික හතුරුසිංහ මහතා පසුගිය වසරේ (2018) ජනවාරි මස ශ්‍රී ලංකා කණ්ඩායමේ ප්‍රධාන පුහුණුකරු ධුරය භාර ගැනීමෙන් අනතුරුව ඔහු යටතේ මේ දක්වා ශ්‍රී ලංකාව එක්දින තරග 32 කට සහභාගි වී තරග 21ක්ම පරාජයට පත්ව තිබේ. තරග 10ක පමණක් ජය ලබා ඇති අතර තරගයක් විසඳුමකින් තොරව අවසන් වී තිබේ.

ශ්‍රී ලංකා පිල චන්දික හතුරුසිංහ මහතා යටතේ 2018 වසරේ ඇෆ්ගනිස්තානය හමුවේ ඉතිහාසයේ පළමු වරට පරාජය වෙමින් ආසියානු කුසලාන තරගාවලියේ පළමු වටයෙන්ම ඉවතට විසිවිය. ඉන් පසුව මෙම වසර මුල නවසීලන්තය හමුවේ 3-0 කින් සහ දකුණු අප්‍රිකාව හමුවේ 5-0 කින් එක්දින තරගාවලි පරාජය විය.

හතුරුසිංහ මහතා පුහුණුකරු ධුරයට පත්වීමෙන් අනතුරුව ශ්‍රී ලංකා පිලේ නාකයා ලෙස ඇන්ජලෝ මැතිව්ස් පත්කරන ලෙස ඉල්ලීමක් කළ අතර, එම ඉල්ලීම අනුව ඔහු නායකත්වයට පත්විය. පසුගිය වසරේ අග ආසියානු කුසලාන තරගාවලි පරාජයේ වගකීම මැතිව්ස් පිට පවරා ඔහු ඉවත් කළ අතර, එම පරාජයට පුහුණුකරුද වගකිවයුතු බවට මැතිව්ස් ශ්‍රී ලංකා ක්‍රිකට් ආයතනයට විශේෂ ලිපියක්ද යොමු කලා. පසුගිය වසර එකහමාරක කාලය තුළ අසංක ගුරුසිංහ සහ චරිත් සේනානායක යන හිටපු ක්‍රීඩකයන් ඇතුළු කණ්ඩායම් කළමනාකරුවන් තිදෙනකු සේවයෙන් ඉවත් කිරීමට සිදුවුණා. 

ශ්‍රී ලංකා ටෙස්ට් ක්‍රිකට් පිල දකුණු අප්‍රිකාවේදී පසුගිය පෙබරවාරි මස ලැබූ ටෙස්ට් ජයග්‍රහණයෙන් අනතුරුව ක්‍රීඩක විවේකාගාරය තුළ ක්‍රීඩකයන්ගේ වීඩියෝවක් සමාජ මාධ්‍ය ජාලාවල පළවූ අතර එම සිද්ධියකටද කණ්ඩායමේ කාර්ය මණ්ඩලයට චෝදනා එල්ලවුණා. 
ඔබේ ප්‍රතිචාරය කුමක්ද?
Close Menu