ඉදිරි ජනාධිපතිවරණයේ දී එක්සත් ජාතික පක්ෂ විරෝධී පිරිස සමඟ පුළුල් ප්‍රගතිශීලි සන්ධානයකට එළැඹීමටත් එම සන්ධානය බිහි කිරීමෙහිලා නායකත්වය ගන්නා ලෙසත් ඉල්ලා විශේෂ සංදේශයක් අද (06) ජනාධිපතිතුමා වෙත භාරදී තිබෙනවා. ඒ ශ්‍රී ලංකා නිදහස් පක්ෂ මන්ත්‍රී කණ්ඩායම විසින්. එ අනුව ඔවුන් එම සංශේශයෙන් ඉල්ලා සිටින්නේ ඉදිරි ජනාධිපතිවරණය සඳහා මෛත්‍රීපාල සිරිසේන මහතාට ඉදිරිපත් වන ලෙස යි.
අද දහවල් ජනාධිපති කාර්යාලය වෙත පැමිණි ශ්‍රී ලංකා නිදහස් පක්ෂ ජ්‍යෙෂ්ඨ උප සභාපති නිමල් සිරිපාල ද සිල්වා, ප්‍රධාන ලේකම් දයාසිරි ජයසේකර, මහින්ද සමරසිංහ, සරත් අමුණුගම, දුමින්ද දිසානායක, මහින්ද අමරවීර, ෆයිසර් මුස්තාෆා, රංජිත් සියඹලාපිටිය, ලසන්ත අලගියවන්න, වීරකුමාර දිසානායක, දුෂ්මන්ත මිත්‍රපාල, ශ්‍රීයානි විජේවික්‍රම, මොහාන් ලාල් ග්‍රේරු, ශාන්ත බණ්ඩාර මන්ත්‍රී කණ්ඩායම එම සංදේශය ජනාධිපතිතුමා වෙත භාරදී තිබෙනවා.
