පෑලියගොඩ පොලීසිය විසින් මත්ද්‍රව්‍ය ජාවාරමක් සම්බන්ධයෙන් අත ඩංගුවට ගත් මුස්ලිම් ජාතිකයෙකු විසින් කිසියම් අන්තවාදී ගිණුමකට රුපියල් ලක්ෂ 98,000ක් බැර කර ඇති බව හෙළිවීමත් සමඟ එම අන්තවාදී සංවිධානය හා ඊට සම්බන්ධ වූවන් සොයා ගැනීමට ත්‍රස්ත විමර්ශන කොට්ඨාශය පුළුල් පරීක්ෂණ අරඹා තිබෙනවා. ඔහුගේ බැංකු ගිණුම් පරීක්ෂා කිරීමේ දී මත්ද්‍රව්‍ය ව්‍යාපාරයට සම්බන්ධ වීමත් සමඟම ඩුබායි රාජ්‍යයේ සිට එම ගිණුමට කොටි ගණන් මුදල් බැර වී ඇති බව සොයාගෙන තිබෙනවා.
මුදල් ඔහුගේ ගිණුමට බැර වීමෙන් පසු 'ඩැන්ඩියල් ක්‍රමයට' හෝ වෙනත් ගිණුම්වලට එම මුදල් නැවත බැර කිරීමට ඩුබායි රාජ්‍යයේ සිටින මුස්ලිම් ජාතිකයෙකු ඔහුට උපදෙස් ලබා දෙන අතර ඒ වෙනුවෙන් ඔහුට ලක්ෂ ගණනින් මුදල් ගෙවා තිබෙනවා.
තව දුරටත් ගිණුම් පරීක්ෂා කිරීමේ දී එම මුදල් 'ඉස්ලාමික්' නමින් සඳහන් වන ගිණුමකට ද බැර වී ඇති බව අනාවරණය කර ගෙන තිබෙනවා.
මීට මාස කිහිපයකට පෙර මත් ද්‍රව්‍ය සම්බ්බන්ධයෙන් අත් අඩංගුවට ගත් මෙම පුද්ගලයා ගැන සිදු කළ දීර්ඝ විමර්ශන වල දී මෙම තොරතුරු අනාවරණය කර ගැනීමට හැකි වුණා. ඔහුගේ ගිණුමට බැර වූ මුදල් ඉස්ලාමීය අන්තවාදය ප්‍රවර්ධනය කිරීම සඳහා ද යොදවා තිබෙන බැවින් වැඩි දුර විමර්ශනය සඳහා එම පුද්ගලයාව ත්‍රස්ත විමර්ශන ඒකකට භාර දී තිබෙනවා.
