ගුරු සහායකයින් බඳවා ගන්නා පදනම මත පළමු ශ්‍රේණියට සිසුන් ඇතුළත් කර ගැනීමේ සංඛ්‍යාව වැඩි කිරීමට පියවර ගන්නා බව අධ්‍යාපන අමාත්‍යාංශය පවසනවා. ඒ අනුව මෙතෙක් පළමු වසරට බඳවා ගත් සිසුන් 35ක ප්‍රමාණය වෙනුවට සිසුන් 40ක ප්‍රමාණයක් ඇතුළත් කර ගැනීමට අනුමැතිය හිමිව තිබෙනවා.
එසේම සෑම දරුවෙකුටම විශේෂිත වූ අංකයක් හඳුන්වා දීමට ද තීරණය වී තිබෙනවා. එමඟින් දරුවන්ගේ දක්‍ෂතා සහ හැකියාවන් පිළිබද තොරතුරු පහසුවෙන් දැන ගැනීමට අපේක්ෂා කරනවා. එම අංකය දරුවාගේ පාසැල් කටයුතු අවසන් වන තෙක්ම වලංගු වන බවයි ප්‍රකාශ කෙරුණේ.
