ඔහු මේ සම්බන්ධයෙන් සවිස්තරාත්මක පැහැදිළි කිරීමක් සිය ෆේස්බුක් පිටුවේද සඳහන් කර තිබෙනවා.
මැතිවරණ කොමිෂන් සභාවේ සභාපතිවරයා කියා සිටින්නේ නෙදර්ලන්තයේ ශිෂ්‍යත්වයක් මත මාස 18ක කාලයක් පශ්චාත් උපාධි පාඨමාලාවක් හදාරා එය මාර්තු මස අවසන් වූ පසු ගුවන් ගමන් අත්හිටුවීම නිසා ශ්‍රී ලංකාවට පැමිණීමට නොහැකිව සිට අද (06) අළුයම බ්‍රිතාන්‍යයේ සිට පැමිණ ශ්‍රී ලංකන් ගුවන් යානයෙන් මෙරටට පැමිණි බවයි.
තවත් එක්දිනක් හෝ සිය පුතුට එංගලන්තයේ රැඳී සිටීමට සිදු වුවා නම් විසා සම්බන්ධයෙන් ඇතිවන ගැටළු අදාළ රටවල තානාපති කාර්යාලය සමඟ ද සාකච්ඡා කළ බවයි ඔහු සිය සටහනේ සඳහන් කර ඇත්තේ.
වැඩිදුරටත් අදහස් දක්වමින් සභාපතිවරයා කියා සිටින්නේ තමාට එරෙහිව මෙතරම් අභූත චෝදනා තමන්ගේම හිතවතෙකුගේ සහාය ඇතිව මෑතකාලිනව මාධ්‍ය හරහා ප්‍රචාරය වන අවස්ථාවේදී කණ්ඩායමක් සේ එකාවන්ව වැඩ කිරීමට නොහැකි බව දන්වා තමා සභාපති ධුරයෙන් ඉවත් වීම සම්බන්ධයෙන් යෝජනාවක් පසුගිය සතිය පුරා අනෙක් නිලධාරීන් වෙත සිදු කළ බවයි.
