ඒ අනුව ගත වූ පැය 24 තුලදී නව ආසාධිතයන් 25 දෙනෙක් හඳුනාගෙන ඇති බවයි.
වසංගත රෝග විද්‍යා අංශය පවසන්නේ නව ආසාධිතයන් 25 දෙනාගෙන් 12 දෙනෙක් නාවික හමුදා සෙබළුන් බවයි.
මේ අනුව මෙරට කොරෝනා ආසාධිත නාවික හමුදා සෙබළුන් ගණන 511ක් දක්වා ඉහළ යනු ලබනවා.
තවත් ආසාධිතයන් දෙදෙනෙක් ඊයේ (16) නිරෝධායන මධ්‍යස්ථාන වලින් වාර්තා වී ඇති අතර ඉන් එක් අයෙක් මියන්කුලම නිරෝධායන මධ්‍යස්ථානයෙන් වාර්තා වූ රෝගියෙක් වන අතර අනෙක් පුද්ගලයා ඉන්දියාවේ සිට පැමිණ කන්දකාඩු නිරෝධායන මධ්‍යස්ථානයේ සිටි අයෙක් බවයි වාර්තා වන්නේ.
මේ වන විට සමස්ථ කොරෝනා ආසාධිතයන් 960 දෙනාගෙන් 431ක් මෙරට රෝහල්වල ප්‍රතිකාර ලබන අතර මෙතෙක් කොරෝනා වෛරසය වැළඳුණු බවට තහවුරු නොවූ සැක සහිත ප්‍රතිකාර ලබන රෝගීන් 106 දෙනෙක් ලෙසයි සඳහන් වන්නේ.
වසංගත රෝග විද්‍යා අංශය සඳහන් කලේ වෛරසය වැළඳී පුර්ණ සුවය ලැබූ ගණන 520ක් බවයි.
