එරට මාධ්‍ය වාර්තා කළේ ගොඩනැගිල්ල ඉදිකිරීමට යොදා ගැනුණු ගිනි ඇවිලෙන සුළු ද්‍රව්‍ය හේතුවෙන් මෙම ගින්න හටගෙන ඇති බවයි.
සිද්ධියෙන් මියගිය සියලුම දෙනා එම ගොඩනැගිල්ල ඉදිකිරීමේ කටයුතුවල නිරත වූ සේවකයන් බවයි ආරක්ෂක අංශ විශ්වාස කරන්නේ.
එහි සේවය සඳහා පුද්ගලයින් 78 දෙනෙක් සිට ඇති අතර ඒ හේතුවෙන් මරණ සංඛ්‍යාව ඉහළ යා හැකි බවයි වාර්තා වන්නේ.
අනතුරෙන් පුද්ගලයින් 10 දෙනෙක් තුවාල ලබා තිබෙනවා.
එරට වේලාවෙන් අද පස්වරු 1.30 මෙම සිද්ධිය සිදුව ඇති බවයි සඳහන් වන්නේ.
දකුණු කොරියානු අග්‍රාමාත්‍ය චුන්ග් සයි-කියුන් නියෝග කර ඇත්තේ මෙම හදිසි අවස්ථාව වෙනුවෙන් අවශ්‍ය සියලු ක්‍රියාමාර්ග ගන්නා ලෙසයි.
