යුද හමුදාව විසින් නිවේදනයක් කර ප්‍රකාශ කර සිටියේ කිසිවකු නිරෝදායනය සඳහා අකමැත්ත දක්වන්නේ නම් ඔවුන් පැමිණි රටවලටම ආපහු හරවා යවන බවයි. එසේම සැප පහසුකම් මදි පුද්ගලයන් වෙතොත් ඔවුන් සඳහා ගෙවීමේ පදනම මත කොළඹ තරු පන්තියේ හෝටල් සූදානම් කිරීමේ කටයුත්තක්ද වාර්තා වුණා.
කෙසේ වෙතත් ඊයේ දිනයේ දී පැමිණි කිසිවෙකුත් පෙර දෙදින පැමිණි කණ්ඩායම් මෙන් සැප පහසු කාමර පහසුකම් ඉල්ලීම හෝ නිරෝධායනය ප්‍රතික්ෂේප කර නොමැති බවයි වාර්තා වන්නේ.
මේ අතර කොරොනා වෛරසය නිසා ඉන්දියාවේ පළමුවරට මරණය වාර්තා වී තිබෙනවා. ඒ කර්ණාටක ප‍්‍රාන්තටයේ 79 හැවිරිදි පුද්ගලයෙක්. මේ වන විට ඉන්දියාවේ කොරෝනා ආසාදිතයන් 05 දෙනෙකු රෝහල් ගතව ප්‍රතිකාර ලබනබවයි විදෙස් වාර්තා වැඩි දුරටත් කියා සිටින්නේ.
