2015 සැප්තැම්බර් මස එකඟ වී තිබූ ජිනීවා යෝජනාවෙන් ඉල්ලා තිබුණේ යුද අපරාධ චෝදනා එල්ල වී ඇති හමුදා නිලධාරීන්ට නඩු පවරා දඬුවම් කළ යුතු බවයි. එම යෝජනා වලින් ඉවත් වීමට රජය ගත් තීරණයත් සමඟම වන්නි මෙහෙයුමේ හමුදා ප‍්‍රධානීන්ට එරෙහිව අධිකරණ යාන්ත‍්‍රණයක් ස්ථාපිත කිරීම සහ උතුරු නැගෙනහිරට බලය බෙදාහැරීම යන කරුණු අහෝසි වන බව රජය සඳහන් කරනවා.
මීට අමතරව ද්‍රවිඩ ජනතාව වෙනුවෙන් ආණ්ඩුක‍්‍රම ව්‍යවස්ථාව සංශෝධනය කළ යුතු බවත් ජිනීවා යෝජනාවේ සඳහන්ව තිබෙනවා. මෙම ජිනීවා යෝජනාවට පාර්ලිමේන්තුවට සහ කැබිනට් මණ්ඩලයට නොදන්වා එකඟත්වය පළ කර තිබුණේ හිටපු විදේශ ඇමැති මංගල සමරවීර මහතා විසිනි. එසේ එම ජිනීවා යෝජනාවට එකඟවීම නිසා ශ‍්‍රී ලංකා හමුදාව යුද අපරාධ සිදුකළ බව පිළිගෙන තිබෙනවා.
