ගෝඨාභය රාජපක්ෂ මහතාගේ පුරවැසිභාවය සම්බන්ධයෙන් අභියාචනාධිකරණයට පෙත්සමක් ඉදිරිපත් කර තිබෙනවා එම පෙත්සම මගින් ඔහුගේ ජනාධිපතිවරණ අපේක්ෂකත්වයට කිසිදු බාධාවක් ඇති කල නොහැකි බවයි හිටපු අගවිනිසුරු සරත් නන්ද සිල්වා මහතා සඳහන් කරන්නේ.
ජනාධිපතිවරණයක් සම්බන්ධයෙන් මැතිවරණ කොමිසමට නියෝගයක් ලබා දිය හැක්කේ ශ්‍රේෂ්ඨාධිකරණයට පමණක් බව හිටපු අගවිනිසුරුතුමා පවසනවා.
එමෙන්ම මේ වනතෙක් ගෝඨාභය රාජපක්ෂ මහතා අපේක්ෂකයෙක් ලෙස පිළිගෙන නොමැති නිසා එවන් විරෝධතාවක් පවා ගොනු කළ හැක්කේ නාම යෝජනා පළිිගැනීමෙන් පසුව පමණක් යයිද ඔහු කියා සිටිනවා.
දැනට ගොනු කර ඇති නඩුව මඟින් ගෝඨාභය රාජපක්ෂ මහතා ජනාධිපතිවරණයට තරග කිරීම වැළැක්වීමේ නියෝගයක් ඉල්ලා සිටීමට හෝ හැකියාවක් නැතැයිද හිටපු අගවිනිසුරුවරයා වැඩි දුරටත් කියා සිටියා.
