මෙම මස පස් වනදා අ.පො.ස උසස් පෙළ විභාගය ආරම්භ වීමට නියමිතයි. එහි පිළිතුරු පත්‍ර ඇගයීමේ කටයුතු අදියර 03 ක් යටතේ සිදුකිරීමට විභාග දෙපාර්තමේන්තුව තීරණය කර තිබෙනවා.
මේ මස 28 වැනිදා සිට සැප්තැම්බර් 13 වැනිදා දක්වාත් එහි පළමු අදියර ක්‍රියාත්මක වන තර , දෙවන අදියරක්‍රියාත්මක වන්නේ සැප්තැම්බර් 15 වැනිදා සිට ඔක්තෝම්බර් 01 වැනිදා දක්වායි. සැප්තැම්බර් 24 වැනිදා සිට ඔක්තෝම්බර් 08 වැනිදා දක්වා තෙවන අදියර ක්‍රියාත්මක කිරීමට නියමිත බවයි විභාග දෙපාර්තමේන්තුව සඳහන් කළේ.
මේ අතර සමස්ත ලංකා උපාධිධාරී ගුරු සංගමය පවසන්නේ ගුරු - විදුහල්පති වැටුප් විෂමතා ඉවත් කිරීමට කටයුතු නොකළහොත් ලබන 20 වැනිදා සිට ආරම්භ වීමට නියමිත උසස් පෙළ විභාගයේ පිළිතුරු පත්‍ර ඇගයීම් කටයුතුවලින් ඉවත් වන බවයි.
