අමාත්‍ය අර්ජුන රණතුංග මහතා පාර්ලිමේන්තුවේදී ක්‍රිකට් ක්‍රීඩාව පිළිබඳව දිර්ඝ කතාවක් කරමින් ශ්‍රී ලංකා ජාතික ක්‍රිකට් කණ්ඩායමේ නිල ඇඳුමෙන් සිංහ ලාංඡනය ඉවත් කර කැස්බෑවෙකුගේ ලාංඡනයක් දැමීම ගැන පරීක්ෂණයක් කළ යුතු බව පැවසුවා.
“මේ අවුරුදු හතරට නායකයෝ හත් දෙනක් ශ්‍රී ලංකා ජාතික කණ්ඩායමට පත් කර තිබෙනවා. කළමනාකරුවන් 5 දෙනෙක් පත් කෙරුණා. පුහුණුකරුවෝ 4දෙනෙක් පත් කෙරුණා. කණ්ඩායම් හැඟීම නැති කළා.
මේ කුමක් කීවත් සිංහයාගේ ලාංඡනය ජාතික කණ්ඩායමේ නිල ඇඳුමෙන් ඉවත් කිරීම කිසිසේත්ම අනුමත කරන්න බැහැ. සිංහයා අපේ රටේ අනන්‍යතාව පෙන්නුම් කරන ජාතික සංකේතයක්. එම ජාතික සංකේතය ක්‍රිකට් නිල ඇඳුමෙන් ඉවත් කිරීමේ සැබෑ හේතු කවරේදැයි සොයා බැලීමට පරීක්ෂණයක් කළ යුතු යැයි මම යෝජනා කරනවා. ඉදිරියේදී කැස්බෑවගේ ලාංඡනය ඉවත් කර රේස් අශ්වයකුගේ ලාංඡනය දායිද කියලත් සැකයක් තියනවා. ඒතරමට වත්මන් ක්‍රිකට් පරිපාලනය ශ්‍රී ලංකාවේ ක්‍රිකට් ක්‍රීඩාව විනාශය කරා ගෙන යමින් තිබෙනවා.”
