ඉස්ලාම් ආගමික බැතිමතුන් නොවන බව පැවසන අරාබි ජාතිකයින් සංඛ්‍යාව වර්ධනය වෙමින් පවතින බව සමීක්ෂණයකින් හෙලි වී තිබෙනවා. මැද පෙරදිග සහ උතුරු අප්‍රිකානු රටවල් ගණනාවක පවත්වන ලද ගැඹුරු සමීක්ෂණයකින් පසුව තමයි මේ බව තහවුරු වී ඇත්තේ.
ඒ BBC අරාබි පුවත් සේවය සහ අරාබි පීඩනමාන සමීක්ෂණ ජාලය (Arab Barometer research network) විසින්. ඒකාබද්ධව පලස්තීනය ආශ්‍රිත රටවල් 10ක පුද්ගලයන් 25,000කගේ පමණ සහභාගිත්වයෙන් මෙම මත විමසුම සිදු කර තිබුණා.
2013 වසරේ සිදු කළ මෙවැනි සමීක්ෂණයකදී අනාගමික බව පළ කළ පිරිස 8%ක් වූ අතර මේ වනවිට එය 13% දක්වා වර්ධනය වී ඇත. මෙම වෙනස වයස අවුරුදු 30න් පහළ තරුණ ප්‍රජාව අතර බහුලව දක්නට ලැබෙන්නකි. මෙයට වෙනස්ව ආගමිකත්වයේ වර්ධනයක් පෙන්නුම් කරන්නේ යේමනය පමණකි.
