ඒ අනුව විපක්ෂ නායකවරයා සහ ඒකාබද්ධ විපක්ෂයේ මන්ත්‍රීවරුන් වන මහින්දානන්ද අලුත්ගමගේ, කනක හේරත්, බන්දුල ගුණවර්ධන සහ විපක්ෂ නායක ලේකම් හර්ෂ විජේවර්ධන යන මහත්වරුන් රාජකීය, තර්ස්ටන්, විශාඛා, හින්දු විද්‍යාලය, ආනන්ද, නාලන්ද සහ ගෝතමී යන කොළඹ පිහිටි පාසල්වලට ගොස් එම පාසල්වල සහ පාසල් අවට ආරක්ෂක තත්වය පිළිබඳව සොයා බැලුවේය.
මේ අතර තම තමන්ගේ මැතිවරණ කොට්ඨාසවල පිහිටි පාසල්වලට ගොස් ඊයේ (21) දිනයේදී ආරක්ෂක තත්වයන් සොයා බලා පාසල්වලට ළමයින් පැමිණීම සඳහා දිරිගැන්වීමට කටයුතු කරන ලෙස විපක්ෂය නියෝජනය කරන පාර්ලිමේන්තු මන්ත්‍රීවරුන්ට සහ පළාත් පාලන නියෝජිතයින්ට විපක්ෂ නායක මහින්ද රාජපක්ෂ මහතා උපදෙස් දී තිබිණි.
