මෙලෙස අත්අඩංගුවට ගෙන ඇත්තේ නව කාන්තන්කුඩිය ප්‍රදේශයේ පදිංචි මොහොමඩ් ආදම් ලෙබ්බේ නමැති සැකකරු බවද පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සඳහන් කරයි.
මීට දින කිහිපයකට පෙර මෙම සැකකරු පොලීසියට අවශ්‍ය බවට සඳහන් කරමින් ඇසින් දුටු සාක්ෂි හතරක් පදනම් කර ගනිමින් රූප විස්තරයට සමාන රූපසටහනක් හතරක් අපරාධ වාර්තා කොට්ඨාසයේ නිලධාරින් විසින් සිතුවමට නඟා තිබිණි.
මෙම සිතුවම් ආශ්‍රයෙන් සැකකරුව හඳුනාගැනීම සඳහා මහජන සහාය ලබාගැනීමට මූලස්ථානය එම සිතුවම් මාධ්‍යට අනාවරණය කළේය.
ඉන් අනතුරුව සැකකරු පිළිබඳව ලද තොරතුරක් මත මෙම අත්අඩංගුවට ගැනීම සිදුකර ඇති බවද පොලිස් මාධ්‍ය ප්‍රකාශකවරයා පැවසීය.
