ඒ අනුව කොටුව මහෙස්ත්‍රාත්වරයාට අදාල කටහඬ සාම්පල් වාර්තාව රජයේ රස පරීක්ෂකවරයා විසින් පසුගියදා භාර දී තිබෙනවා.
පසුගිය 17 වනදා දෙවැනි දිනටත් පැය තුනක කාලයක් මෙම ඝාතන කුමන්ත්‍රණ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව පොලිස්පති පූජිත් ජයසුන්දර මහතාගෙන් ප්‍රශ්න කර ප්‍රකාශ සටහන් කරගෙන තිබෙන අතර අදාළව හඬපට 23ක් දූෂණ විරෝධී ජාතික ව්‍යාපාරයේ අධ්‍යක්ෂ නාමල් කුමාර විසින් අපරාධ පරීක්ෂණ දෙපාර්තමේන්තුව වෙත ලබා දී තිබුණා. එම හඬපටවල පොලිස්පති පූජිත් ජයසුන්දර මහතාගේ සහ ත්‍රස්ත විමර්ශන කොට්ඨාසයේ නියෝජ්‍ය පොලිස්පති නාලක සිල්වාගේ කටහඬ සටහන් වී තිබිණ. කෙසේ වෙතත් මිට පෙරද හඬපට තහවුරු කිරීම සඳහා නාලක සිල්වාගේ කටහඬ සාම්පල් පරීක්ෂා කිරීමටද රස පරීක්ෂකවරයා කටයුතු කර තිබුණා.
