පුරාවිද්‍යාබලධාරීන් පෙන්වා දෙන්නේ පිදුරංගල, සීගිරිය බලකොටුවක් ලෙස පැවති සමයේ එහි සිටි රහතුන් වහන්සේලාට වැඩ සිටීමට ආරාම සකසා පූජා කළ ඓතිහාසික ස්ථානයක් බවත් ජනප්‍රවාදවල පවතින අන්දමට පිදුරංගල යනු මහා වංශය ලියූ මහානාම හිමියන් වැඩ විසූ පුරාණ දික්සඳ සෙනෙවියා පිරිවෙන බවට ද විශ්වාසයක් පවතිනවා.
කෙසේ වෙතත් පිදුරංගල රාජමහා විහාරාස්ථානයේ විහාරාධිපති ආචාර්ය පූජ්‍ය ධානියාගම ආනන්ද හිමියන් සඳහන් කරන්නේ පිදුරංගල රාජමහා විහාරයට සහ එම ස්ථානයට අපහාස වන අයුරින් අශෝභන ලෙස ඡායාරූප පළ කිරීම සම්බන්ධයෙන් නීතිය ක්‍රියාත්මක කළ යුතු බවයි. ඒ අතරම සිංහලේ අපි ජාතික සංවිධානයේ සභාපති පූජ්‍ය ජඹුරේවෙල චන්ද්‍රරතන හිමියන්ද ප්‍රකාශ කරන්නේ මේ පිළිබඳව විධිමත් පරීක්ෂණයක්ද සිදුකළ යුතු බවයි.
