මහර බන්ධනාගාර රැඳවියන් බන්ධනාගාරයෙන් පලායාමට උත්සහා කල අවස්ථාවේදී සිදු කල වෙඩි තැබීමෙන් රැඳවියන් 08 දෙනෙකු ජිවිතක්ෂයට පත්ව තවත් 50 දෙනෙකු පමණ තුවාල ලැබුවා. මෙම නොසන්සුන්තාවයට හේතුවී ඇත්තේ බන්ධනාගාරය තුළ කොවිඩ් -19 වෛරසය පැතිර යාම බවයි ආරංචි මාර්ග පවසන්නේ. ඒ හේතුවෙන් රැඳවියන් බන්ධනාගාරයෙන් පලා යාමට උත්සාහ කරන බවයි බලධාරීන් පවසන්නේ. එසේ ආරම්භ වූ නොසන්සුන්තාවය මේ වන විට තවත් උත්සන්න වී ඇති බව සඳහන්. තත්ත්වය පාලනය කිරීමට පොලිස් විශේෂ කාර්ය බලකාය මෙන්ම අතිරේක පොලිස් බට කණ්ඩායමක් ද යෙදවීමට සිදු වුණා.
නොසන්සුන්තාවයට පත් වූ රැඳවියන් ඊයේ රාත්‍රියේ දී බන්ධනාගාරයේ මුලුතැන්ගෙට සහ ලේඛණාගාරයට ද ගිනි තබා තිබුණා. එසේම රැඳවියන් විසින් බන්ධනාගාර නිලධාරීන් කිහිප දෙනෙකු සිය ග්‍රහණයට ගෙන තිබූ අතර ගිනි නිවන සහ කැරලි මර්ධන හමුදාව ද තත්ත්වය පාලනය කිරීමට යෙදවූවා.
බන්ධානාගාරයේ පිටත ආරක්ෂාවට මේ වන විට නාවික හමුදාව යොදවා ඇති බව සඳහන්.
