ඒ අනුව ඊයේ (11) දිනයේ දී තවත් නව ආසාධිතයන් 16 දෙනෙක් හඳුනා ගනු ලැබුවා.
මේ වන විට සමස්ථ ආසාධිතයින් අතරින් 533ක් තවමත් දිවයිනේ රෝහල් පුරා ප්‍රතිකාර ලබනවා.
වෛරසය ආසාධනය වූ බවට මෙතෙක් තහවුරු නොවූ සැක සහිත රෝගීන් 116.
ඊයේ දිනයේ දී වෛරසය වැළඳී පුර්ණ සුවය ලැබූ ගණන 321ක් ලෙස වාර්තා වූ අතර ශ්‍රී ලංකාවෙන් වෛරසය ආසාධනය වී මියගිය ගණන 09ක් ලෙසයි වාර්තා වන්නේ.
මේ අතර ඊයේ දිනයේ දී වාර්තා වූ නව ආසාධිතයන් 16 දෙනාගෙන් 13 දෙනෙක් නාවික හමුදාවේ සෙබළුන් බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ පවසනවා.
ඒ අතුරින් නාවික හමුදාවේ සෙබලෙකුගේ පුවලක කාන්තාවකට ද වෛරස වැළඳී ඇති බව ඊයේ දිනයේ දී තහවුරු කරගනු ලැබුවා.
අනෙක් ආසාධිතයන් දෙදෙනා ඩුබායි සිට මෙරටට පැමිණි අය බවයි මේ වන විට වාර්තා වනවා.
මේ අතර මෙරටින් වාර්තා වන ආසාධිතයන් 863 දෙනා අතුරින් 463 දෙනෙක් නාවික හමුදාවේ සෙබළුන් සහ ඔවුන්ගේ ආශ්‍රිතයන් බවයි වාර්තා වන්නේ.
