Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News

Follow Us on Youtube


ප්‍රවීන සංගීත ශිල්පී ලක්ෂ්මන් විජේසේකර ගේ බිරිඳ වන ප්‍රවීන චිත්‍රපට හා ටෙලි නාට්‍ය රංගන ශිල්පිනියක් වන චන්ද්‍රා කළුආරච්චි මහත්මිය අභාවප්ප්‍රාප්ත වී තිබෙනවා. මියයන විට එතුමියට වයස අවුරුදු 76 ක් බවයි පවුලේ ඥාතින් ප්‍රකාශ කර සිටියේ.

ගුවන් විදුලියේ ළමා පිටියට පිවිස හඬ නළුවෙන් නිළි භූමිකාව ඇරැඹි චන්ද්‍රා කළුආරච්චි මහත්මිය කරළියට ගොඩවුනේ සෝමපාල ගුණධීරයන්ගේ 'රත්තරන් පුතා' වේදිකා නාට්‍යයෙන්. 1964 නාට්‍ය උළෙලේදී හොඳම නාට්‍ය පිටපත හා හොදම නළුවා සම්මානද දිනාගත් ප්‍රේමරංජිත් තිලකරත්නගේ 'වහලක් නැති ගෙයක්' හැඩ කළ හොඳම නිළිය ලෙසයි චන්ද්‍රා පළමු වරට රාජ්‍ය සම්මානයට පාත්‍ර වුයේ. ඉන් අනතුරුව ආර් ආර් සමරකෝන් හා දයානන්ද ගුණවර්ධන රංගවේදීන්ගේ නාට්‍ය නිර්මාණ සඳහා රාජ්‍ය සම්මාන දිනා ගැනීමට ද ඇය සමත් වුණා.

ඇය සුගතපාල සිල්වා ගේ වේදිකා නිර්මාණද රංගනයෙන් සැරසූ රංගන වේදිනියක්. ජී ඩී එල් පෙරේරා 1968 දී අධ්‍යක්ෂණය කළ 'දහසක් සිතුවිලි' සලරුවෙන් රිදී තිරයට එක්වූ චන්ද්‍රා කළුආරච්චි සිනමා රංගනය සඳහාද කීප වර සරසවි සම්මාන දිනා ගත්තා.

බක් මහා දීගේ ,තුං මං හන්දිය ,වැලි කතර,නිධානය,සිහසුන,ගැහැණු ළමයි ,සෙලිනා ගේ වළව්ව ,පාර දිගේ,අතුරු මිතුරු ,පවුරු වළලු ,වැනි උසස් ගණයේ සිනමාපට වල රඟපෑමට ඇය භාග්‍යවත් වුණා. ලක්ෂ්මන් විජේසේකර සමගින් විවාහ වූ ඇය තම දරුවන් වූ අමා සහ විහඟ කලා ලොවට දායාද කළාය. ප්‍රකට ප්‍රාසංගික ටෙලි නාට්‍යයක් වූ දිමුතු මුතු තුළින් ඇරඹු ඇගේ ටෙලි නාට්‍ය දිවියේ මවකගේ චරිත නිරුපණය කළ බුමුතුරුණු ,චාතුර්යා ,විළම්බීත වැනි නිර්මාණ කැපී පෙනුණා.  ඇය නාට්‍යයන්හි හඬකැවීම් ශිල්පිනියක් ලෙස ද කටයුතු කර තිබෙනවා.

දේහය ගල්කිස්ස කලාපුර අංක 140/31/ස් නිවසේ තැන්පත් කර ඇති අතර අවසන් කටයුතු පසුව දැනුම් දෙනු ලැබෙනු ඇති.

තවත් පුවත්

Advertisement

Gossip Lanka Side News

Gossip Lanka Stats

Like Us on Facebook