ඉල්ලා අස් වූ මුස්ලිම් ඇමතිවරුන් නැවත අමාත්‍යධූර භාර ගැනීමේ සාකච්ඡාව අවසන්

පසුගියදා තනතුරුවලින් ඉල්ලා අස්වූ මුස්ලිම් මන්ත්‍රීවරුන් ඉදිරියේදී පක්ෂ මට්ටමින් වෙන වෙනම සාකච්ඡා කර තීන්දුවකට එළඹීමට තීරණය කර නැවතත් අමාත්‍ය ධුර භාරගැනීම සම්බන්ධයෙන් අද පැවති සාකච්ඡාව එකඟතාවකින් තොරව අවසන් කර තිබෙනවා.
අදාළ සාකච්ඡාව හිටපු අමාත්‍ය ඒ.එච්.එම්. ෆවුසිගේ කොළඹ පිහිටි නිවසේදී පැවැත්වීමට තීරණය කර තිබුණත් එම සාකච්ඡාව අද පස්වරුවේ පැවැත්වූයේ පාර්ලිමේන්තු සංකීර්ණයේදී.

කෙසේ වෙතත් පාර්ලිමේන්තු සංකීර්ණයේ මන්ත්‍රී කාමරයක පැවති අදාළ සාකච්ඡාව සඳහා පසුගියදා අමාත්‍ය ධුරවලින් ඉවත්වූ නියෝජිතයින්ට අමතරව මුස්ලිම් පාර්ලිමේන්තු මන්ත්‍රීවරුන් කිහිපදෙනෙකුද එක්ව සිටි බවයි වාර්තා වන්නේ.