හෝමාගම පොලිස් අධිකාරී කාර්යාලයේ සේවය කරන පොලිස් සැරයන්වරියකට කොරෝනා වෛරසය ආසාදනය වී ඇති බව තහවුරු වී තිබෙනවා. මේ හේතුව නිස එම කාර්යාලයේ රාජකාරී සිදුකරන සියළු නිලධාරීන්ට ස්වයං නිරෝධායනයට යොමු වන ලෙස හෝමාගම සෞඛ්‍ය වෛද්‍ය නිලධාරී ජගත් කුමාර මහතා විසින් දැනුම් දී තිබෙන බවයි වාර්තා වන්නේ.
එ අනුව, පොලිස් අධිකාරී , සහකාර පොලිස් අධිකාරී කාර්යාලය සහ වංචා විමර්ශන ඒකකයේ සියළු නිලධාරීන් ස්වයං නිරෝධායනයට ලක් කෙරෙන බවයි ආරංචි මාර්ග සඳහන් කරන්නේ.
කොරෝනා ආසාදිත සැරයන්වරිය සමීපව ඇසුරු කළ සියළු පුද්ගලයින්ට මේ වන විට ස්වයං නිරෝධායනයට යොමු වීමට උපදෙස් ලබා දි ඇති අතර ඔවුන්ගේ පරීක්ෂණ අද දිනයේ සිදු කිරීමට නියමිත බව වාර්තාවනවා.
