ආණ්ඩු පක්ෂයෙන් ඉවත් වී ස්වාධීන වූ මන්ත්‍රීවරුන් 40 දෙනෙකු අද පාර්ලිමේන්තුවේ දී විපක්ෂයේ අසුන් ගත් බව මෛත්‍රීපාල සිරිසේන මහතා පවසනවා. නමුත් එම 40 දෙනා විපක්ෂ නායකවරයාගේ කණ්ඩායමක් නොවන බවත් විපක්ෂය තුල ස්වාධීනව කටයුතු කරන බවත් ඒ මහතා වැඩි දුරටත් පවසා තිබෙනවා. මෙම තීරණය ගෙන ඇත්තේ රට තුළ පැනනැගී ඇති ආර්ථික, සමාජීය සහ දේශපාලන ගැටලු ගණනාවක් හේතුවෙන් නිසා බව මෛත්‍රීපාල සිරිසේන මහතා පාර්ලිමේන්තුවේ දී විශේෂ ප්‍රකාශයක් සිදු කරමින් පවසා තිබෙනවා.
