Sinhala Edition English Edition
Facebook Official Fanpage Google+ Official Page Official Twitter Account Rss Feed

Latest News



පූජ්‍ය බෙල්ලන්විල
විමලරතන හිමිපාණෝ 
අභාවප්රාප්ත වෙති 

පූජ්‍ය බෙල්ලන්විල විමලරතන හිමිපාණෝ උදෑසන විහාරස්ථානයේ ඇතෙකු කළ පහරදීමක් නිසා බරපතල තුවාල ලබා ඊයේ (2දා) රෝහල්ගත කල සිට ඇති අතර පසුව අද දහවල් උන්වහන්සේ අපවත්වූ බව සාතිශය සංවේගයෙන් යුතුව වාර්තා කරන්නට සිදුව තිබේ.

තුවාල ලද අවස්ථාවේ කළුබෝවිල රෝහලට ඇතුළත් කර තිබුණ උන් වහන්සේගේ ඉල ඇට බිඳී තිබුන අතර වෛද්‍යවරුන් සැත්කමක් නිර්දේශ කර ඒ සඳහා කොළඹ ආසිරි සර්ජිකල් පුද්ගලික රෝහල වෙත මාරු කර යවා තිබෙනවා. පසුව එම සැත්තම එහිදී  සිදු කළ නමුත් උන් වහන්සේගේ අසාධ්‍ය තත්වයෙන් මුදවාගන්නට බැරිව ගිය අතර අද (3දා) දහවල්  එම රෝහලේදී අපවත්වී වදාළහ. අපවත්වූයේ  හෘදයාබාධයක් නිසා බව රෝහල් ආරංචි වාර්තා කර තිබේ.

අපවත්වනවිට 77 වන වියෙහි පසුවූ බෙල්ලන්විල විහාරාධිපති හිමිපාණන් ශ්‍රී ජයවර්ධනපුර සරසවියේ කුලපති ලෙසද කටයුතු කරමින් සිටියහ.

පන්සලේ ගාල් කර තිබූ මියන්කුමාර නම් ඇතාට සියඹලා ආහාර ලබා දීමට යැමේදී ගල් වැලි සහිත ස්‌ථානයක ඇද වැටීමෙන් උන්වහන්සේ තුවාල ලබා තිබුනි. මුඛයට ආහාර දමන අවස්‌ථාවේ ඇතාගේ දළ වලට උන්වහන්සේ තල්ලුවී මෙම තුවාල ඇතිවූ බවද පැවසිණි.

තවත් පුවත්

Gossip Lanka Side News