කොරෝනා ආසාදිතයින් බොහෝ පිරිසක් වාර්තා වූ තිහාරිය ප්‍රදේශයේ ජනතාව පී.සී.ආර් පරීක්ෂණ මඟ හරිමින් සිටින බව වාර්තා වනවා. මෙය අටලුගම ප්‍රදේශයේ ඇති වූ තත්ත්වයට සමාන තත්ත්වයක් බවත් මේ හේතුවෙන් තිහාරිය ප්‍රදේශය හුදකලා කිරීමට වුවද සිදු විය අහෙකි බවත් ගම්පහ දිස්ත්‍රික් සෞඛ්‍ය සේවා අධ්‍යක්ෂකවරයා පවසනවා. මේ අතර කැනඩාවේ දී මියගිය පුද්ගලයෙකුගේ මෘත ශරීරයක් කොවිඩ් - 19 නීති රීති නොතකා මියගිය පුද්ගලයාගේ ඥාතීන් වෙත භාර දීමේ සිද්ධියක් වාර්තා වී තිබෙනවා.
විදෙස් රටකදී මිය ගිය පුද්ගලයෙක්ගේ මෘත දේහයක් මෙරටට රැගෙන ඒමෙන් පසු එම පුද්ගලයාට කොවිඩ් -19 වැළඳී තිබුණ ද, නැති වුව ද පී.සී.ආර් පරීක්ෂණයෙන් අනතුරුව එම මෘතදේශය මීගමුව ආදාහනාගාරයේ දී ආදාහනය කල යුතු බවටයි නියෝග පනවා ඇත්තේ.
නමුත් නියෝජ්‍ය සෞඛ්‍ය සේවා අධ්‍යක්ෂ ජනරාල් - සෞඛ්‍ය සේවා වෛද්‍ය අමල් හර්ෂ ද සිල්වා විසින් මීගමුව දිස්ති‍්‍රක් මහ රෝහලේ මරණ පරීක්ෂක වෙත යොමු කල ලිපියක් අනුව කැනඩාවෙන් ගෙනා එම මෘත දේහය ඔහුගේ ඥාතීන්වෙත මුදා හැර තිබෙනවා.
